Psa 30 | NdeIBE | STEP | Ihubo. Ingoma. Elokunikela ithempeli. ElikaDavida. Ngizakuphakamisa, O Jehova, ngoba wangenyula ekujuleni awaze wavumela izitha zami zintele phezu kwami.

Psalms 30

Ihubo. Ingoma. Elokunikela ithempeli. ElikaDavida.

1 Ngizakuphakamisa, O Jehova, ngoba wangenyula ekujuleni awaze wavumela izitha zami zintele phezu kwami.

2 Awu Jehova, Nkulunkulu wami, ngacela kuwe uncedo wangisilisa.

3 Yebo Jehova wangenyula elibeni, wangisiza ngaphepha ukungena egodini.

4 Hlabelelani kuJehova lina bangcwele bakhe; dumisani igama lakhe elingcwele.

5 Ngokuba ukuthukuthela kwakhe ngokomzuzwana nje, kodwa umusa wakhe ukhona okwempilo yonke; ukulila kungaqhubeka ubusuku bonke, kodwa ukuthokoza kuyafika ekuseni.

6 Ngathi lapho ngizizwa ngihlezi kuhle ngathi, “Kangisoze ngafa ngahlukuluzeka.”

7 Yebo Jehova, wathi lapho ungizwela wenza intaba yami yagxila qho; kodwa kwathi lapho usufihle ubuso bakho ngaphelelwa lithemba.

8 Ngakhala kuwe, Jehova; ngacela umusa kuJehova:

9 “Kulenzuzo bani ngokubhujiswa kwami na, ngokutshona kwami egodini? Kambe uthuli luzakudumisa na? lona luzafakaza na ngokuthembeka kwakho?

10 Zwana, O Jehova, ube lomusa kimi; woba lusizo lwami.”

11 Waguqula ukububula kwami kwaba ngumgido; wangihlubula izigqoko zamasaka wangigqokisa ukuthokoza,

12 ukuze inhliziyo yami ikuhlabelele ingathuli. O Jehova, Nkulunkulu wami, ngizakubonga nini lanini.